Lan-denboraren kudeaketa funtsezkoa da produktibitatea handitzeko eta lanaren eta bizitza pertsonalaren arteko oreka mantentzeko, estresak gainditu ez gaitzan.

Horretarako, badira trikimailu eta aholku batzuk (aukeratu erabilgarri egingo zaizkizunak):

1. Ezarri helburuak eta lehentasunak: Hartu egutegi zuri bat eta adierazi egun, aste eta hilabete bakoitzeko helburuak.
2. Planifikatu eta antolatu: Hartu tartetxo bat zure zereginak planifikatzeko. Egin ezazu zerrenda bat, eta apuntatu denak agenda edo zereginen zerrenda batean (Adib.: Microsoft 365 aplikazioaren To Do).
3. Zereginak eskuordetu: Dena zure erara egitea gustatzen zaion pertsona bazara, oso lagungarria litzaizuke erantzukizunak zure taldeko pertsonen esku uzten ikastea.
4. Saihestu distrakzioak: Identifikatu zer distrakzioekin galtzen duzun denbora eta saia zaitez horiek minimizatzen. Itzali beharrezkoak ez diren jakinarazpenak zure telefonoan eta aurkitu kontzentratzeko moduko lantoki bat.
5. Ezarri itzazu mugak: Ikasi «ezetz» esaten beharrezkoa denean. Ez hartu zeregin edo konpromiso gehiegi zure gain.
6. Ikasi estresa kudeatzen: Aurkitu estresa maneiatzeko moduak, hala nola erlaxazio-teknikak praktikatzea (Mindfulness), ariketa fisiko erregularra egitea, eta abar, aukeratu hoberen egiten dizun ekintza.